Иджысту лъэпкъым къыпэщлъ lуэху псом и пэр мы дызыхэт империи и къэкlуэну-щытыкlэнур аращ. Мыр уащхъуэ-дэмыщхъуэу къэуэжынущ. Ауэ къэуэжыр lуэхутэкъым, ди пщэдейр зэрыдубзыхунур аращ. Общественнэ организацэу тыркум итыр куэд дыдэ мэхъу. Псори Хэкум телажьэу ялъытэж, ауэ хуэфly къытпэщылъым телажьэ слъагъуркъым. Тыркум ит адыгэ къызэгъэпэщыныгъэхэр щищым ноблагъэ. Мыр къаруушхуэщ. Абыхэм хэт сыт имыщlами, къалэн нэхъыщхьэхэр дадзэж хъунукъым. Сыт худэ къызэгъэпэщыныгъэ адыгэм къызэригъэпэщауэ щымыlами, къызэгъэпэщыныгъэхэм яку сыт имылъами ящымыгъупщэу ягъэзэщlэн хуейщ:
хэкум кlуэжыным я гуащlэ зэрыхалъхьэн хуейр.
Итlанэ, хэкум дыщызэхуэсыжа и ужь ар зыубыдауэ исхэр итхужыну дапэщlэувэ хъунукъым. Итхужын хуейр мащlэу щытын хуейщ. Ар: адыгэ зылъагъу мыхъуу шовинизымыр зи лъым хэт гуп тlэкlурщ.
Итlaнэ, псэкlэ дгъэпсыным и лъабжьэу щытын хуейр Адыгэ Хабзэрщ. Дэ сыт хуэдэ бий къыттемыуами ди Хабзэр икъутэну къызэрыдэмыныкъуэкъуам къытхигъэшыпсыхьащ къыттеуахэри.
Ауэ ди Хабзэр зымыдэу езым хабзэ имыlэр къыдэзыгъэщтэну къыдэзыпха урысым и дежщ дэ, адыгэхэр, кlуэдын щыщlэддзар. Урысым хабзэ иlэкъым, иlэр зэхэтыкlэщ. Ар а лъэпкъым сыт хуэдэуи, дэнэ дежи къыщозэгъ, пщlа иужькlэ уимыгъэукlытэжу зы зэхэтыкlэ иlэкъым урысым. Емыкlу жыхуаlэр ищlэркъым. Унэlутрэ гъэпщылlакlуэу гушауэ зэман куэдкlэ къэгъуэгурыкlуам и лъым хэлъыр: барину всë можно, а раб его собственность, - мыращ. Дэри дыщlиубыдари арат: унэlут дищlыну. Октябырыр къыхэкlэрахъуэри зэпиудащ мыхъу.
Мыращ дэ къэралыгъуэ дыухуэжын щlыхуейри. Адыгэ куэдым, идеологием щегъэуэри, я фlэщ мэхьу урысым культурэ къытхуихьауэ. Мыр пэжкъым. Урысым къытхуихьар культурэкъым! Щlэныгъэм(образование) нэхъ псынщlэу дыхыхьэнымкlэ сэбэп хъуащ. НТП (научнэ-техн.прогресс) дыхишащ. Ауэ культурэ жыхуаlэу, нравственность зызыужьа лъэпкъым илъэс минхэм къыпхихар тфlегъэкlуэд илъэсищэрэ хыщlрэ хъуауэ. Мырат - урысым тфlигъэкlуэдыр арат, культурэкlэ зэджэн хуейр.
Мыр гупыр щыгъуазэ сщlын папщlэ стхауэ аращ, ауэ Хасэр егупсысу щlэн хуейр дыубзыхун хуейщ
Алыдж Шащ.э
Comments
Post a Comment