Непэ, гъэнэфагъэу Адыгабзэр кIодын гъогум тет. Мыщ фэдэу бзэр зыфэкIодырэм шъхьэусыгъо бэ иI, ау ахэм лъапсэу афэхъурэр мыхэр арых :
1. Адыгэхэр итэкъохьыгъэхэу зэрэщытыр.
2. Урысые-Федерацием ихэку-зещэрэ (правительства) ихэку хасэрэ (парламент) лъэпкъ бзэхэм политикэу афыряIэр ыкIи законэу къыдагъэкIыхэрэр арых.
Непэ тенологием кIуачIэ къеты мы пэрыу зыфэтIуагъэхэм уашIокIынэу. Интернетым игъогукIэ умышIэн щыIэп. Бзэр къэнэным пае апэрэ Iоф шъхьаIэу шIэгъэн фаер, интерент Адыгэ еджапIэ къызэIухыгъэн фае. Ар къиндэдэу щытэп сыда пIомэ зы кIэлэегъаджэм дэрсхэр къетэу бгъэлажьэмэ цIыф милион пчъагъэ алъыIэсын ылъэкIыщт ыкIи ахэр унэм зэрисыхэу Адыгабзэр зэрагъэшIэн алъэкIыщт.
ИнтернетымкIэ, Адыгабзэм пылъхэм зыгорэхэр щашIэх ау ар икъурэп, сыда пIомэ хэти ежь изакъоу згорэ ешIэ Адыгабзэм пае. А Iофэу ашIэрэр нахь лъэщэу хъуным пае, узэкъоуцоныш Iоф зэдэпшIэщт ыкIи интенет Адыгэ еджапIэ ин къызэIупхыщт.
Интернет Адыгэ еджапIэр къызэIупхыным пае Iоф тэкIу ищыкIагъ ыкIи ар профисиональнэу шIыгъэн фае. Адыгэхэр милион пчъагъэу мэхъух тэIомэ, ащгъум зи проблемэ щыIэн фаем интернет Адыгэ еджапIэ къызэIутхыным.
Мыщ фэдэ Iоф егъэжьэгъэным пае Адыгабзэ зикIасэхэр ыкIи ар къэнэнэу фаехэр зэхэгущыIэжьых, зэкъоуцох ыкIи интернет Адыгэ еджапIэ агъэпсы.
Гъуашъо Казбек
Comments
Post a Comment